Prof. Josip Štajcar, la membro de UZE, forpasis en Petrinja la 16-an de majo 2013.

Kiam mi konatiĝis kun la forpasinta amiko Joža? En la jaro 1970 ni kune soldatservis kiel flegistoj en la tiama kazerno en Našice, la urbo de la kroata komponistino Dora Pejačević. La porflegista kurso daŭris preskaŭ duonjaron, sed ni trovadis tempon por kuntrinki kaj babili ankaŭ eksterkazerne. Kaj ne nur tion! Ni kunlaboris en la tiamaj armeaj gazetoj kaj preparadis ĉiusemajnan radioelsendon por la soldatoj. La krono de nia amikumado estis la decido kun multaj aliaj soldatoj lerni Esperanton. Mi estis la kursgvidanto laŭ la lernolibro de Dušan Maruzzi. Por la gazeto de zagreba armea distrikto li verkis la artikon  titolitan “Esperanto en la kazerno”.

 Kiel profesoro pri matematiko kaj fiziko, li estis tre bone akceptita ne nur inter la kolegoj, sed ankaŭ inter gelernantoj en Petrinja. Lia kono de fizikaj eventoj, speciale ĉar li estis samurbano de la kroata naturciencisto kaj astronomo Oton Kučera, estis fame konata. Priskribi la urbon Petrinja kaj la militan tempon dum kiu li estis rifuĝinto, kaj mencii la problemojn post la reveno en la urbon, estus tre interese, sed pri la milito li evitadis paroli. Post la reveno li trovis sian domon komplete detruitan!

En Karlovo (Bulgario) daŭre estas organizataj  Internaciaj simpozioj “Apliko de Esperanto en la profesia agado” (AEPA), kies ĉefaj organizantoj estas  AIS-Bulgario, Bulgara Esperanto-Asocio, Internacia Universitato Karlovo kaj la Regiona Estraro de la neesperantista organizo “Scienc-teknika Asocio”. La Simpozioj estas organizataj ĉefe de la esperantistoj, sed ilin partoprenas ankaŭ bulgaraj kaj eksterlandaj neesperantistaj scienculoj kaj fakuloj, kiuj prelegas kaj partoprenas la diskutojn.

Kanto estas ĉie. Ĝi akompanas nin hejme, en vendejo, sur strato, en buso… Ni volonte aŭskultas kantojn ne nur kiam ni estas lacaj, malgajaj kaj zorgoplenaj por renovigi niajn fortojn. Kanto helpas vidi kaj krei alimaniere la mondon, permesas revi aŭ transdoni niajn sentojn. Ĝi ankaŭ helpas akiri pli bonajn rezultojn dum lernado, ĉar lernantoj pli interesiĝas pri la prezentataj temoj. Kanto influas agrablan etoson de lernado kaj kreskigas emocian engaĝiĝon de partoprenantoj en la lernoprocezo. Tio permesas eĉ al nekuraĝaj lernantoj fariĝi pli kuraĝaj. La laboro kun kanto havigas ĝojon kaj kontenton al la lernantoj, do ni ne malhelpu ĉi agrablecon de kantado kaj instigu lernantojn lerni Esperantajn kantojn. Silezia Esperanto-Asocio kune kun vroclava Elementa Lernejo n-ro 9 invitas partopreni la konkurson EŬROPA FESTIVALO de ESPERANTAJ KANTOJ. La konkurso okazas ĉiujare maje (en ĉiu tria vendredo de majo). Estas du kategorioj: koruso aŭ grupo kaj solisto. Partoprenantoj: loĝantoj de Eŭropo. La aĝo de partoprenantoj: de 6 ĝis 18 jaroj. Ĉiu partoprenanto kantos du kantojn, kiujn li/ŝi deziras prezenti: unu en la lingvo Esperanto kaj alian en sia nacia lingvo (aŭ en alia). Pritaksataj estas nur Esperantaj kantoj. Detala regularo troviĝas en la paĝaro de Silezia Esperanto-Asocio http://esperanto.wroclaw.pl/ aŭ rekte en la aparta paĝaro de la konkurso http://konkurso.europonto.org

La 2-an de marto  2013 en Sisak, invititaj de la tiea Esperanto-societo, renkontiĝis reprezentantoj de 6 kroatiaj Esperanto-societoj en sia dua kunveno, por diskuti la proponitajn ŝanĝojn de la Statuto de Kroata Esperanto-Ligo, sed ankaŭ por pritrakti multajn akumulitajn problemojn de la landa asocio. La kunvenon partoprenis Marija Jerković (Unuiĝo de prelegantoj de Esperanto - UPE, Zagreb), Nenad Margetić (Bjelovara esperantista societo), Radenko Milošević (Unuiĝo de zagrebaj esperantistoj - UZE), Josip Pleadin (Dokumenta Esperanto-Centro - DEC, Đurđevac), Zdenka Polašek (Bjelovara esperantista societo), Srećko Radulović (Esperanto-societo “Sisak”), Stjepan Žarina (Esperanto-societo "Mondo paca", Velika Gorica) kaj Anto Mlinar (prezidanto de Kontrolkomitato de Kroata Esperanto-Ligo el Zagrebo). La kunveno pasis en agrabla atmosfero, kvankam oni tuŝis ankaŭ malagrablajn temojn. La kunvenintoj konkludis: