| KIAM MORTAS HOMO, MORTAS PARTO DE LA MONDO RADENKO MILOŠEVIĆ (1943-2016) |
 |
 |
 |
| Verkita de Josip Pleadin |
| 24/08/2016 |
 Fama poeto skribis: “Kiam mortas homo, mortas parto de la mondo”. Sed la poeto silentis pri foriro de amikoj, tiuj plej proksimaj kaj plej karaj homoj, kiuj dumvive lasas grandan influon al ni kiel specialan trezoron kaj energion, kiu fortigas nin ankaŭ post ilia fizika foriro. Eĉ nura rememoro pri tiaj homoj konsciigas, kiom malgrandaj kaj sensignifaj estas homaj estaĵoj.
Hieraŭ mi perdis amikon ... Hieraŭ ni ĉiuj perdis samideanon, kaj lia familio la edzon, patron, avon ... La 23-an de aŭgusto 2016, je la 9h14 li lastfoje vokis min per sia poŝtelefono, tiu nia “varma telefonlinio”, per kiu ni diskutis, disputis, planis, plendis, ĝojis ... Li aludis nenian malbonaĵon, sed mi sentis, ke lia lasta “Ĝis” ĉe la fino estis alia, sen kutima entuziasmo. Antaŭ nelonge li revenis el la hospitalo, kie li restadis pro sia malnova malsano. Antaŭ pli ol dek jaroj li faris komplikan koroperacion en Germanio, sed la koro ne plu obeis lian laborritmon kaj leonan karakteron. Oni denove operaciis lin en Zagrebo, kaj li revenis hejmen por ripozi, resaniĝi kaj adaptiĝi al la novaj cirkonstancoj. Nur du horojn post tiu interparolo, li forlasis la mondon de vivantoj.
|
|
| Verkita de Radenko Milošević |
| 09/10/2015 |
 La plej grava evento en mia viv'
La plej grava kaj la plej granda evento en la vivo de homoj, familioj, loĝantaro, generacioj kaj de la tuta nacio, estas la evento kiun oni atendadis jarcentojn kaj luktadis politike kaj armile, kaj per lingvaj kaj per juraj rimedoj por tio. Tiu estis la plej granda evento en mia kaj certe en vivo de ĉiu Kroato en la hejmlando Kroatio, en Bosnio kaj Hercegovino kaj tra la tuta mondo Certe, la evento kiam estis proklamita sendependeco kaj suvereneco de la ŝtato estas tia!
|
|
| “LA TRAJNO EN LA NEĜO” APEROS EN ESPERANTO |
|
|
|
| Verkita de Zdenka Polašek |
| 14/04/2015 |
 Unu el la plej konataj porinfanaj verkoj de kroata verkisto Mato Lovrak (1899-1974) “La trajno en la neĝo” aperos en Esperanto. Tiel decidis Bjelovara esperantista societo kaj Unuiĝo de zagrebaj esperantistoj, kies prezidantoj Franjo Forjan kaj Radenko Milošević la 13-an de aprilo 2015 en Vrbovec subskribis kontrakton pri kuneldono de la romano.
La romanon tradukis Josip Pleadin, kun la permeso de s-ino Jagoda Hodak, filino de la aŭtoro. La kontrakto pri aŭtoraj rajtoj estis subskribita kun la Kroata aŭtor-agentejo komence de aprilo. Financan helpon por ĉi tiu eldono aprobis Departemento Bjelovar-Bilogora kaj Komunumo Veliki Grđevac.
La ilustraĵojn tre lerte desegnis lernantoj de Elementa lernejo “Mato Lovrak” el Veliki Grđevac, kun afabla permeso de la direktorino Ivana Pavlečić kaj kunlabore de mentorinoj Marija Čičak kaj Anita Res. La manuskripton provlegis Tomasz Chmielik el Pollando.
|
|
| PROF. DR ILONA KOUTNY PRELEGOS EN ZAGREBO |
|
|
|
| Verkita de Esperanto-societo Tibor Sekelj |
| 10/03/2015 |
 Esperanto-societo "Tibor Sekelj" el Zagrebo, anoncas prelegon "Esperantlingva bildo de la mondo" de Prof. dr Ilona Koutny (gvidanto de la Interlingvistikaj Studoj kaj de la Finn-Ugra Katedro ĉe la Universitato Adam Mickiewicz, Poznano, Pollando). La prelego okazos la 18-an de marto 2015 je la 19h00 en Zagrebo, Ulica kneza Mislava 11. En la prelego prof. Koutny, kiu estas membro de la Akademio de Esperanto, traktos diversajn problemojn, kiel ekzemple: Ĉu Esperanto entute prezentas iun propran bildon de la mondo aŭ nur spegulas aliajn ...
|
|
| MONTKABANA RENKONTIĜO 2015 |
|
|
|
| Verkita de Vanja Radovanović |
| 10/03/2015 |
 Montkabana renkontiĝo estas aranĝo por montmigrantoj kaj ŝatantoj de la naturo. La ĉi-jara MKR estas la 26-a laŭvice, kaj ĝi okazos sur la adriatika insulo Lošinj, en la urbeto Veli Lošinj, inter la 1-a kaj 4-a de oktobro 2015. La MKRejo estos la Junulargastejo Veli Lošinj, kiu ofertas 50 litojn en 2- ĝis 5-litaj ĉambroj (ĉiuj kun akvopelvoj) kun etaĝaj necesejoj kaj duŝejoj. La MKR-ekskursoj gvidos nin sur la plej altan pinton de la insulo, Osorščica (588 m), de kie videblas la tuta norda Adriatiko, kaj laŭ tre bela apudmara migradvojo ...
|
|
| Almanako okaze 200 jaroj post la naskiĝo de kroata banuso Josip Šokčević |
|
|
|
| Verkita de Zlatko Virc |
| 05/03/2015 |
 Ni invitas vin ĉeesti ĉe la prezentado de la Almanako pri Scienca kunveno okaze 200 jaroj post la naskiĝo de kroata banuso Josip Šokčević, la 6-an de marto 2015 en Vinkovci.
Ni rememorigas legontaron, ke „Zagreba Esperantisto“ en la unua n-ro el la j. 2008 publiikgis la tekston pri la banuso Josip Šokčević, kiun skribis mag. Zlatko Virc.
|
|
|
Hejmo 
Pri Kroatio
