ESPERANTISTOJ DE BJELOVAR AL SIA URBO – LA KVARAN FOJON EN 2016 |
|
|
|
Verkita de Zdenka Polašek |
24/06/2016 |
Bjelovara esperantista societo invitas vin partopreni jam la kvaran renkontiĝon "Esperantistoj de Bjelovar al sia urbo", kiu ĉi-jare okazos dimanĉe, la 23-an de oktobro, kiel esperantista kontribuo al la festado de Tago de la urbo kaj solenado de la 260-a datreveno de urbo Bjelovar.
La programo de la ĉi-jara aranĝo estos tradicie riĉa, kaj la ĉefa programparto estos dediĉita al mondvojaĝanto, esploristo, humanisto, esperantisto kaj amiko de bjelovaraj esperantistoj Tibor Sekelj. ...
|
|
MODESTULOJ FORPASAS SILENTE STANKO RUKELJ (1944-2016) |
|
|
|
Verkita de Josip Pleadin |
24/06/2016 |
Kun granda malfruo mi eksciis, ke la 25-an de januaro 2016 en Majerje apud Varaždin (Kroatio) forpasis nia samideano STANKO RUKELJ (1944-2016). La enlanda esperantistaro nesufiĉe konas la laboron de tiu tre modesta esperantisto, kiu neniam akcentadis siajn multnombrajn servojn kaj laborojn por Esperanto-movado. Li aktivis senbrue, sed pasie, kaj ni memoros lin pro lia aparta bonanima kaj kvieta karaktero. Ĝuste pro tiuj homaj kaj esperantistaj kvalitoj ni ne rajtas forgesi lin.
Li naskiĝis la 18-an de aprilo 1944 en Majerje, kie li pasigis la tutan vivon. Dum multaj jaroj li tre sukcese okupiĝis pri bovinbredado en la familia bieno. Sed liaj interesoj estis pli vastaj: li estis tre sperta komputilisto kaj kapabla esperantisto. La intereson pri Esperanto ...
|
|
IMPONA MEDICINA VORTAREGO |
|
|
|
Verkita de Josip Pleadin |
24/06/2016 |
Se aperas librego kun 3.200 paĝoj, kiu enhavas Esperanton, ĝi nepre devas elvoki intereson ne nur de la Esperanta, sed ankaŭ de la scienca kaj faka publikoj. Kaj ĝuste tia evento okazis en Kroatio. Post multaj sciloj kaj haribdoj, ĉe la eldonejo “Marka” en Velika Gorica, aperis OKLINGVA MEDICINA ENCIKLOPEDIA VORTARO, impona faka vortarego, kiu krom en la latina, kroata, angla, germana, franca, itala kaj hispana, samrange prezentas la medicinajn terminojn ankaŭ en la Internacia Lingvo Esperanto. Ĝia aŭtoro ...
|
|
Kvar societoj kune organizos INTER-FEST-on en Bjelovar 2017 |
|
|
|
Verkita de Radenko Milošević |
07/06/2016 |
INTER-FEST estas novtipa Esperanta kultura festivalo, kiun kune organizos Bjelovara Esperantista Societo (DEB), Dokumenta Esperanto-Centro (DEC) el Đurđevac, Unuiĝo de Zagrebaj Esperantistoj (UZE) kaj Unuiĝo de Prelegantoj de Esperanto (UPE) el Zagrebo.
|
|
LIBROPREZENTOJ EN ZAGREBO |
|
|
|
Verkita de Josip Pleadin |
15/03/2016 |
La Zagreba lingvistika rondo kaj Unuiĝo de zagrebaj esperantistoj (UZE) invitas vin partopreni la publikan prezenton de la kroatlingva verko de prof. d-ro sci. Velimir Piškorec kaj lia kunlaborantino Sanja Janković titolita "Tomo Maretić na raskrižju filologije i jezične politike" kaj ĝia Esperanta traduko "Tomo Maretić en interkruciĝo de filologio kaj lingva politiko", kiu okazos la 15-an de marto 2016 je la 19h15 en la ejo de Societo de universitataj instruistoj en Zagrebo, Hebrangova 17/I. Pri la libroj parolos prezidanto de UZE Radenko Milošević, ...
|
|
DINKO MATKOVIĆ (1925-2016) |
|
|
|
Verkita de Josip Pleadin |
25/02/2016 |
La 24-an de februaro 2016 en Split forpasis en la 91-a vivojaro Dinko Matković, la lasta esperantisto el la adriatika insulo Hvar. Dinko Matković naskiĝis en Vrboska (insulo Hvar) la 10-an de junio 1925. Li diplomiĝis en la Supera pedagogia lernejo en Zagrebo, kaj kiel instruisto postenis en diversaj urboj. Al lernantoj li instruis la anglan lingvon, sed ekde 1946, kiam li aŭtodidakte ellernis Esperanton, la Internacia Lingvo fariĝis lia ĉefa temo por la tuta vivo kaj li instruis ĝin al lernantoj el Dubrovnik kaj Jelsa. Kun siaj lernantoj li partoprenis en la internacia lerneja korespondado “Grajnoj en vento”. Li estis membro de Esperantaj societoj en Zemun, Zagrebo, Dubrovnik kaj Split, en Dubrovnik eĉ societa prezidanto.
|
|
Mortis prof. Anđelko Runjić, eksprezidanto de la kroata parlamento (Sabor) kaj esperantisto |
|
|
|
Verkita de Radenko Milošević |
18/09/2015 |
Kiel mi malkovris, ke mia amiko kaj profesoro Anđelko Runjić, karese nomita Bambe, estis esperantisto? Antaŭ pluraj jaroj, revenanta iun tagon el esperantista kunveno, mi vizitis kafejon sur la zagreba "Malgranda placo", oficiale titolita Brita placo. Tie mi renkontis s-ron Runjić. Post lia demando de kie mi venas, kaj mia respondo pri la esperantista kunvenon, li demandis min E-lingve: Ĉu vi parolas Esperanton? En la posta kroat-lingva interparolo mi eksciis, ke li estis multjara esperantisto, sed pro sia profesora kariero en la Ekonomia fakultato de Zagreb kaj pro la politikaj funkcioj, li ne suksis multe okupiĝi pri Esperanto. Li konsentis fariĝi membro de Unuiĝo de zagrebaj esperantistoj, sed pro la multjara malsano, malgraŭ sia varma deziro, li ne sukcesis aktivi por Esperanto.
|
|
|
|
<< Komenco < Antaŭa 1 2 3 4 5 6 Posta > Fino >>
|
Rezultoj 1 - 19 de 109 |