Dum la lasta ILEI-Konferenco la estraro de la pola sekcio de ILEI promesis eldoni ĝis la fino de 2009 specialan kajeron kun prelegoj, kiujn oni aŭdigis dum la konferenco. Kun granda ĝojo ni informas, ke ni sukcesis ne nur eldoni nian Sciencan Kajeron, sed ankaŭ dissendi ĝin al la aŭtoroj de la prelegoj kaj al la tradukintoj. Kelkajn ekzemplerojn ricevos ILEI kaj kelkaj gravaj E-centroj. Antaŭ la ILEI-Konferenco ni trovis la sponsoron, dank' al kiu ni povis tiel rapide efektivigi nian promeson. La kajero aspektas plaĉe, kaj ĝia enhavo estas interesa. Kompreneble en Esperanto.

La 42-a ILEI-Konferenco en Krakovo montris, ke en Pollando oni povas trovi sciencistojn, kiuj konas Esperanton, aŭ almenaŭ apogas la agadon por Esperanto. Kun ilia helpo ni provis eldoni la unuan Sciencan Kajeron. Ĝi ampleksas ne nur la prelegojn de la Konferenca Simpozio sed ankaŭ kelkajn prelegojn, kiujn oni aŭdigis dum la konferenco kaj tial ni nomis ĝin Sciencaj Kajeroj. En estonteco valorus plialtigi ĝian sciencan nivelon kaj eldoni nur recenzitajn artikolojn. Sed eĉ nun okulfrapas la evidenta scienca valoro de kelkaj artikoloj, do ni apogis la iniciaton aperigi ilin ne en postsimpoziaj materialoj, sed en Sciencaj Kajeroj.

Eŭropa integra procezo pli kaj pli perfektiĝas ĉiujare, do ni pli proksimiĝas al aŭtentika unuiĝo kaj konsolido de tuta Eŭropo je unu korpoparto de diversaj nacioj. Tamen estas unu kondiĉo.

Ni havas komunan himnon, flagon kaj valuton. La problemo estas nur akcepto de komuna lingvo por Eŭropo, pri kiu oni kontinuas persistajn diskutojn. Sen ebligo al ĉiuj homoj de Eŭropo facilan interkompreniĝon helpe de facila kaj neŭtrala lingvo,la eŭropaj nacioj daŭre restos por si reciproke fremdaj kaj neniam ĝisfine integriĝos.

Kiel aktuale aspektas la aferoj? Nuntempe en Eŭropa Parlamento laŭ principoj de ŝajna egaleco estas parolataj preskaŭ 40 lingvoj, ĉar krom membroŝtataj naciaj lingvoj estas allasitaj ankaŭ lingvoj de iuj minoritataj nacioj. Malgraŭ tiu egaleco ekzistas la lingvoj pli „egalaj”, kiel la: franca, germana, hispana kaj itala.

Pri ŝajna „egaleco” de ĉiuj eŭropaj lingvoj plej bone atestas la fakto, ke kiam oni kontraktas konvencion ekzemple en pola kaj angla lingvoj, do tiam estos deviga nur la angla teksto kaj la pola formas kiel ornamo.

Tiun eksterordinare komplikitan (pro tradukadoj kaj kostoj) la lingvan problemon oni penas ielmaniere solvi. Aprile de la 2004. en EP oni aranĝis voĉdonadon por elekti komunan lingvon por Eŭropo. Por voĉdono oni proponis iujn naciajn lingvojn, kiuj ricevis nepercepteblan kvanton da voĉoj. Nur por lingvo Esperanto voĉdonis la plej multo, ĉar eĉ 43% da deputitoj.

En Kolkato ĉe Jadavpur-Universitato okazos la 29an de januaro 2010 lanĉo de tri eŭropaj infanlibroj tradukitaj al la bengala lingvo per Esperanto. Tradukinto estas Malasree Dasgupta. La libroj venas el la slovena, itala kaj kroata literaturoj kaj eldonis ilin Samatat Prakashan kadre de EU-projekto gvidata de Kroata Esperanto-Ligo kaj financata per 33.000 euroj de Eŭropa Komisiono. La kunfinancantoj estas Kroata ministerio de kulturo, urbo Zagrebo kaj ESF.

Kadre de la projekto la eŭropaj libroj estos distribuotaj al bengalaj lernejoj, bengalaj lernantoj verkos eseojn pri la eŭropaj libroj kaj la plej bonaj eseoj estos premiotaj kaj publikigotaj. Paralele la bengala libro LA VIVO DE DAMORU estas eldonata en la kroata, itala kaj slovena lingvoj kaj la eŭropaj infanoj verkos pri la bengala libro. Oni preparas librolanĉojn en Kroatio, Slovenio kaj Italio en la venontaj monatoj. Itala konsulo en Kolkato partoprenos en la januara pontoprogramo. Probal Dasgupta gvidis la projekton flanke de bengala partnero Samatat Sanstha kaj verkis eseon pri problemoj de tradukado per Esperanto kiel lingvoponto al la bengala. La projekto komenciĝis en 2008 kaj finiĝos en aprilo 2010.

Internacia Fervojista Esperanto-Federacio http://ifef.free.fr/spip/  tutkore invitas al la 62-a kongreso de IFEF, okazonta en Sofia de la 8-a ĝis la 15-a de majo 2010!

Aliĝilo - en doc formato de MS Word estas elŝutebla en adreso: http://zagreba-esperantisto.hr/index.php?option=com_remository&Itemid=11&func=select&id=7

Poŝta adreso de LKK estas: 62-a Kongreso de IFEF, str. "Ivan Vazov" 3, BG-1080 - Sofia, Bulgario.

Retpoŝtaj adresoj por kontakto: La retpoŝtadreso estas ŝirmita kontraŭ spamantoj, vi bezonas Ĝavaskripton por vidi ĝin , La retpoŝtadreso estas ŝirmita kontraŭ spamantoj, vi bezonas Ĝavaskripton por vidi ĝin , La retpoŝtadreso estas ŝirmita kontraŭ spamantoj, vi bezonas Ĝavaskripton por vidi ĝin

Dum aŭgusto 2009 kvar urboj en Ĉinio gastigis usonanan emeritan profesoron de filozofio kaj pac-studo Ronald Glossop, direktoro de “Infanoj ĉirkaŭ la Mondo” www.icxlm.org por helpi instrui Esperanton, aparte al infanoj. Dum la vizito “Profesoro Ron” instruis en elementa lernejo en Taiyuan, en mezlernejo kaj publikaj parkoj en Wuhan, en infanĝardeno en Nanĉang, kaj en universitato en Harbin.
     
La ĉefa ilo de instruado kiun li uzis estas la “Kanto de la Koloroj” (ankaŭ konata kiel “Ruĝa Pomo” ĉar la unua strofo temas pri ruĝa pomo kiu estas frukto). Tiu kanto uzas la konatan francan melodion “Frato Jako.” Aliaj strofoj estas pri flava rozo (floro), verda cedro (arbo), blua plumo (skribilo), nigra kato (besto), blanka mevo (birdo), bruna tablo (meblo), griza salmo (fiŝo), oranĝa pilko (ludilo), purpura jupo (vesto), arĝenta forko (manĝilo), kaj ora ringo (ornamo).  La lasta strofo traktas la bazan ideon de Esperanto: “Sur la Tero, bela Tero, Loĝas ni, kantas ni, Kune sur la Tero, Monda familio.” Post la lernado de la kanto, la lernantoj konversaciis pri demandoj kiel, “Laŭ la kanto, kio estas flava?” kaj “Kia [kiukolora] estas forko?” kaj “Kio estas jupo?” La lernantoj ankaŭ lernis kaj interparolis pri numeraloj ĝis mil kaj pri la legado de horloĝoj.

Karaj geamikoj,

nome de la Bolonja E-grupo "A. Tellini 1912" mi salutas vin bondezirante plenĝojan festo-tagojn por Kristnasko kaj Nova Jaro.

Mi forte deziras ke la 2010-jaro estu por vi fruktodona kaj prospera en via laboro kaj agado!