Zagrebo estis la ĉefa trafiknodo el kiu elvojadis famaj ŝoseoj Karolina, Josefina, Luiziana, kiuj ĉiuj finiĝas ĉe Adria maro. Jaro 1862 estis la komenco de fervoja trafiko, kiam estis malfermita la unua fervoja linio tra Zagrebo, kiu de Zidani Most (Slovenio) kondukis al Sisak. Tiu linio estis ligita al la linio Vieno – Ljubljana – Triesto. Tia geografia loko donis al Zagrebo eblecon pri disvolvo de metio, komerco, kaj pli poste de industrio kaj aliaj produkto-eblecoj. Inter tre interesaj ekonomiaj agoj, kaj komenco de negocado mem en Zagrebo, estas Zagreba foiro, alte rangita foiro en monda foira familio. La unua granda jara foiro estis en Zagrebo sub la nomo “Foiro de Marko” en la jaro 1256  kaj la foiro progresis en la jaro 1864, kiam Zagreba komerca - industria ĉambro organizis la “Unuan landan ekonomian ekspozicion”, sed la vera kaj oficiala komenco estis en la jaro 1909. Zagreba foiro estis ankaŭ kunfondinto de la Internacia unuiĝo de foiroj en Parizo 1925.

Zagrebo elradiis en mondon novajn kaj ideojn kaj monfamajn produktojn kaj inventistojn. Multfoje oni en la mondo nek scias ke ili estas Zagrebanoj nek ke la produktoj estis elpensitaj en Zagrebo. Zagrebano Slavoljub Eduard Penkala (1871.-1922.) estas la unua moderna kroata inventisto kaj noviganto. Li apud multaj aliaj elpensaĵoj kaj inventaĵoj konstruis mekanikan krajonon kaj fontoplumon (en la jaro 1906), kiu laŭ li eĉ ricevis nomon – “penkalo”. Krom tio li en la jaro 1909 konstruis la unuan duseĝan aeroplanon.

Se oni mencius en la mondo la vorton “cepelino”, multaj scios pri tiu flugilo ke ĝi estas senflugila, oni scias aron da detaloj, sed maloftaj scius ke tiun flugilon elpensis Zagrebano David Schwartz, konstruisto de aerveturiloj, kies destino similas al multaj niaj samlandanoj, nome nehavinte monon lia edzino post lia morto forvendis patenton al la grafo Zepelin.

Nuntempe, kiel ankau pli frue, Zagrebo estas la kerno de la kroatia ekonomio kun 40% de BNP kun 23% de tuta kroatia industria produktado. La zagreba ekonomio tiamaniere signifas grandan financan, komercan kaj eksport - importan koncentriĝon de la tutŝtata ekonomio. Tiel ĝi respegulas kaj elradias ĉion al tuta kroata ekonomio kaj grave influas ties ŝanĝojn. Samtempe ankaŭ ĉiuj ekonomiaj kaj sociaj tendencoj de Zagrebo estas ankaŭ de Kroatio kaj ĝi radias ankaŭ ekonomian allogon por deko da urboj kiuj estas situataj ene de 50 kilometra cirklo ĉirkaurondanta Zagrebon. Laŭ la bazaj indikiloj pri ekonomio de Zagrebo, videblas ke 36% da aktivaj entreprenoj kun 48% da ĉiuj enspezoj, 55% da profito, 39% enposenigitaj ricevas 46% da ĉiuj salajroj. Tia rolo kaj signifo de zagreba ekonomio tamen estas rezulto de multaj publikaj t.e. de la ŝtato kontrolitaj entreprenoj, kiel elektrikaj, naftaj, ŝoseaj, arbaraj ktp. En Zagrebo laboras ĉirkaŭ 22 mil  da entreprenoj kaj ankaŭ ĉirkaŭ 17 mil da metiistoj. En la ekonomia strukturo de la urbo laŭ enspezo 34% estas komerco kaj 30% industrio.