- Al iu kroĉigas la virinoj, al aliu la malbonŝanco... Sed, finfine, ĝi estas la sama afero...
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Kiel finiĝis via kverelo kun la edzino?
- Ŝi venis al mi surgenue...
- Ĉu vere? Kaj kion ŝi diris al vi?
- Elrampu jam el sub la lito, ci poltrona putoro...!
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Domaĝe, ke la libertempo estas tiel mallonga...
- Do plilongigu ĝin por vi!
- Kiel, diru al mi.
- Ellitiĝadu je la kvina!
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Ferĉjo, ĉu vi ĉiam ankoraŭ amas min? - pepas edzino al ŝia edzo.
- Ĉu vi ne povas diri tion rekte, sen ĉirkaŭfrazoj? Ĉu sufiĉos al vi kvincent kronoj?
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Ni devas konfesi, ke la virinoj ĉiam estas pli belaj ol la viroj.
- Tute nature!
- Ne ĉiuj, multaj artefarite!
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Ĉu vi ne povus pruntendoni al mi 500 kronojn?
- Jes, mi ne povus pruntendoni ilin al vi.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
En hejma vespera solenaĵo diras unu viro al alia:
- Mi estas tre laca. Mi devos ekkoketi kun iu virino, por ke mia edzino proponu iri jam hejmen.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Kion vi faris antaŭ ol vi edziĝis?
- Kion mi volis.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Kial vi daŭre sidas en la gastejo, sinjoro Kroĉ?
- Pro la muziko tie.
- Kial vi do prefere ne iras en koncerton?
- Tie oni ne havas bieron.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Promesu al mi, - diras Marijka al sia edzo, - ke post mia morto via dua edzino ne portos miajn subvestojn!
- Tion mi eĉĵuri povas al vi, - diras la edz, - ĉar ŝi estas multe pli alta kaj ne tiel grasa...
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Kion mi pagu unue - ĉu la fakturon por la elektro aŭ la ŝuldon al la kuracisto?
- La fakturon por la elektro. La kuracisto certe ne venos malŝalti al vi la snagocirkuladon...
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Nia amiko Johan' maljuniĝis, ĉu ne vere?
- Kial vi pensas tion?
- Nur observu lin, kiam li iras tagmanĝi: li unue rigardas la menuon kaj nur poste la kelnerinon.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Alkoholo estas la kial de multaj malfeliĉoj en la familia vivo. Mi mem konas plurajn kazojn, ke edzino forlasis sian edzon, ĉar li drinkis, - diras la parolanto en kontraŭalkohola prelego.
Aŭdiĝas voĉo el la publiko:
-Ĉu vi afable povus diri, kiom estas necese eldrinki, por ke ŝi tion faru...?
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- En nia entreprena manĝejo estis ŝi-jare ŝanĝita la estro, la proviziisto kaj la kuiristo...
- Do, praktike ĉio.
- Ne, la mizeraj manĝaĵoj restis...
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Imagu al vi: apenaŭ komenciĝas la matena gimnastiko en la radio, mia edzo saltas el la lito.
- Ĉu li matene gimnastikadas?
- Li ne, sed la fraŭlino en la fenestro vid-al-vide.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Kial vi ekedziĝis?
- Mia edzino ne sciis kuiri gulaŝon.
- Ĉu vi ne povis manĝi ion alian?
- Kion alian? Ja ŝi kuiradis nenion alian ol gulaŝon!
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Mi travivis teruran tragedion: mia edzino forlasis min...
- Sed tio ja ne estas tiel granda tragedio, ke vi bezonu esti malfeliĉa.
- Sed ŝi revenis!
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
Post trejnado diras kuristo:
- Laŭ mia horloĝo mi plibonigis la pasintjaran rekordon. Al kiu mi anaoncu tion?
- Al la horloĝisto, - konsilas al li kolego el la klubo.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Ke mi perdis mian domon, tion kaŭzis alkoholo.
- Kiel?! Ĉu vi tiel multe drinkis?
- Ne. Eksplodis nia alkohol-distililo kaj la domo forbrulis.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Se nia financa situacio pliboniĝos, ni veturos al la maro por libertempo.
- Kaj se ĝi ne pliboniĝos?
- Tiam la edzino devos resti hejme.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Kion vi ricevis je via naskiĝtago? - demandas Janĉjo sian amikon Miĉjon.
- Elektran razaparaaton.
- Kion...? ja vi estas nur naŭjara!
- Ĝis kiam mi bezonos ĝin, uzados ĝin paĉjo.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
Fraŭlino al sia admiranto, kiu ŝoforas:
- Mi ripetas, ke ni erarvagas! Ni jam la trian fojon surveturis la saman hundon...
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
Interparolas du direktoroj:
- Tiu via nova sekretariino ŝajnas esti laborema personeto...
- Jes, tio estas ŝia sola kvalito.
- Ĉu la laboremo?
- Ne, la ŝajnigado de laboremo!
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
Interparolas du frandemuloj:
- Kio bongustas al vi plej multe?
- Matenmanĝo ĉe alies edzino.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
- Mi ne komprenas, kial vi aĉetis al via edzino tiel multekostan garnituron de manĝovazaro?
- Kredu, ĝi estis taktiko kaj bona investo! Nun, timante, ke mi povus rompi ion, la edzino ne plu postulas, ke mi lavu la vazaron.
Fonto: E. V. Tvarožek ŜERCOJ, La unua cento, Bratislava Esperanto-Klubo (BEKO) 1992
Ŝablonelektilo
ESPERANTO-KURSO DAURIGOTA
Verkita de Dražen Klinčić
06/09/2010
En la ejoj de MS Utrine, printempe de 2010, kiel rezulto de la komuna iniciato de “CBR-netK Croaticum” kaj de “Zagreba Esperantisto”, komenciĝis kurso de Esperanto. Menciindas, ke la realigo de la kurso estis planita kaj farita volontule, kaj ĝi estis senpaga por ĉiuj interesiĝantoj. La celo de tiu ĉi gratulinda iniciato estis prezento de Esperanto kiel la plej facila kaj universala lingva komunikilo, kiu kunligas homojn en realigo de pli bona kaj pli kvalita vivo de unuopulo kaj la tuta komunumo.
Verkita laŭ la informo de oficiala retejo de la Urbo Đurđevac
La longa Esperanto-tradicio, pluraj Esperanto-aktivuloj kaj la fakto, ke en Đurđevac troviĝas la plej granda kroata kolekto de Esperantaj materialoj, rezultis per ankoraŭ unu, por Esperanto grava institucio. En Đurđevac estas fondita Dokumenta Esperanto-Centro. Je iniciato de grupo de urbaj esperantistoj, en junio ĉi-jare okazis la fondkunveno kaj DEC estis registrita en la Registro de asocioj en Respubliko Kroatio la 16-an de julio, per kio ĝi fariĝis loko por multaj kaj diversaj Esperanto-aktivecoj.
Kroato gajnis premiojn por poezio en la Belartaj konkursoj de UEA
Verkita de Josip Pleadin
02/09/2010
La inicatinto de Dokumenta Esperanto-Centro (DEC), Josip Pleadin el Đurđevac, gajnis la duan kaj la trian premiojn por originala poezio en Esperanto en la Belartaj konkursoj 2010 organizitaj de Universala Esperanto-Asocio. DEC informis, ke la unua premio en la poezia branĉo ne estis aljuĝita, kaj des pli granda estas la sukceso de Pleadin. Je la nomo de la aŭtoro, dum la solenaĵo en Havano (Kubo), kie okazis la ĉi-jara 95-a Universala Kongreso de Esperanto, la premiojn transprenis Spomenka Štimec, la sekretariino de Kroata Esperanto-Ligo. Kvankam premiojn en Belartaj konkursoj ofte ricevadis ankaŭ kroatoj, Pleadin estas la dua kroato vivanta en Kroatio, kiu ricevis premiojn por poezio. Ĝis nun la sola premiito estis Božidar Vančik el Varaždin en1951.
Ni gratulas La tagon de la Venko! La tagon de hejmdankemo! V E N K O!
Verkita de Prezidantaro de la Unuiĝo
08/08/2010
Rememoro okaze de la 15-a jubileo kiam la kroatiaj milit-policaj fortoj da preskaŭ ducent mil bravuloj en 84 horoj liberigis kvinonon de la okupita ŝtata teritorio, batalintaj en la sepcent kilometra fronto
Dankegon al chiuj falitaj! Ili vivos poreterne en niaj memoroj kaj koroj!
En sabato la 14-an de februaro 2010 en Utrine (parto de Zagrebo situata sude de la rivero Sava), sub organizo de CB Radio Net Klubo „Croaticum“ kunlabore kun Unuiĝo de Zagrebaj Esperantistoj (UZE), estis prezentia temo „Esperanto: hieraŭ – hodiaŭ - morgaŭ“. La kunveno estis enkonduko al posta kurso de la internacia lingvo. Enkonduke pri la temo prelegis Radenko Milošević, prezidanto de UZE. Marija Jerković, prezidantino de Unuiĝo de Instruistoj pri Esperanto en Kroatio, donis kelkajn instruajn klarigojn pri estonta kurso kaj prezentis al la ĉeestintoj, kiuj montris intereson por leni Esperanton, la lernolibron de Stano Marček kaj la vortaron de Gruić – Klobučar – Kocian - Pleadin. Sekvis agrabla babilado kaj enskribo de la lernontoj al la kurso. La kunvenon ĉeestis deko da personoj inkluzive kelkajn aliajn membrojn de Unuiĝo de Zagrebaj Esperantistoj.
HRVATSKI
U subotu 14. veljače 2010. održana je u Mjesnoj samoupravi Utrina, u organizaciji CB Radio Net kluba „Croaticum“ i Udruge zagrebačkih esperantista prezentacija esperanta pod nazivom „Esperanto: jučer - danas – sutra“
Dokumenta Esperanto-Centro (DEC) havas novan retpaĝaron
Verkita de Josip Pleadin
12/02/2010
DEC estas iniciato de kroata esperantisto Josip Pleadin (http://eo.wikipedia.org/wiki/Josip_Pleadin). La celo de DEC estas kolekti, konservi, ordigi, valorigi kaj uzi materialojn en kaj pri Esperanto. La motivo de tiu entrepreno estas laŭeble preventi perdojn de la Esperanta kultura kaj historia heredaĵo. DEC nun funkcias kiel privata kolekto, sed laŭplane ĝi volus fariĝi oficiala kroata Esperanto-arkivo. Jam en 2008 Unuiĝo de Zagrebaj Esperantistoj subtenis kaj reklamis la ideon, kaj eĉ notis ĝin en sia laborplano por 2009. La posedanto, je la invito de la Estraro de Kroata Esperanto-Ligo, prezentis la ideon ankaŭ al la estraranoj komence de novembro 2009. Uzi la materialon de DEC, sub difinitaj kondiĉoj, rajtas ĉiu esperantisto aŭ neesperantisto surloke, aŭ uzante retan kontakton kun la posedanto. DEC situas en Đurđevac, (46°02´33´´ N, 17°04´18´´E ) je 120 kilometroj nordoriente de la kroatia ĉefurbo Zagrebo. La fina celo de DEC estas atingi la nivelon de regione aŭ ŝtate protektita kolekto, kaj tiel garantii sian konserviĝon en formo de publika Esperanto-kolekto disponebla al esperantistoj ankaŭ post forpaso de la nuna posedanto. Vizitu la novan retpaĝaron de DEC: http://www.ipernity.com/doc/dokumenta.esperanto.centro/home/
La fama aranĝo Baltiaj Esperanto-Tagoj (BET), kiu ekde 1959 okazas alterne en Latvio, Estonio kaj Litovio, en 2010 okazos inter la 26-a de junio kaj la 4-a de julio, en la litova urbo Visaginas. Litova Esperanto-Asocio dissendis inviton al ĉiulandaj esperantistoj por partopreni la eventon, okazontan la 46-an fojon laŭvice.
La urbo Visaginas (30.000 loĝantoj) situas 150 km for de la litova ĉefuro Vilnius, proksime al la landlimo kun Belorusio. Eventualaj interesiĝantoj pri la aranĝo bonvolu detale informiĝi ĉe: www.esperanto.lt aŭ skribante al la kontaktadresoj:
La retpoŝtadreso estas ŝirmita kontraŭ spamantoj, vi bezonas Ĝavaskripton por vidi ĝin
;
La retpoŝtadreso estas ŝirmita kontraŭ spamantoj, vi bezonas Ĝavaskripton por vidi ĝin
kaj
La retpoŝtadreso estas ŝirmita kontraŭ spamantoj, vi bezonas Ĝavaskripton por vidi ĝin
Gravas mencii, ke ankaŭ la prezidanto de la ĵurnalista asocio TEĴA, Audrys Antanaitis, dissendis cirkuleron al ĉiuj membroj, invitante al la ĵurnalistaj kunsidoj en Visaginas la 27-an kaj 28-an de junio.
Dum la lasta ILEI-Konferenco la estraro de la pola sekcio de ILEI promesis eldoni ĝis la fino de 2009 specialan kajeron kun prelegoj, kiujn oni aŭdigis dum la konferenco. Kun granda ĝojo ni informas, ke ni sukcesis ne nur eldoni nian Sciencan Kajeron, sed ankaŭ dissendi ĝin al la aŭtoroj de la prelegoj kaj al la tradukintoj. Kelkajn ekzemplerojn ricevos ILEI kaj kelkaj gravaj E-centroj. Antaŭ la ILEI-Konferenco ni trovis la sponsoron, dank' al kiu ni povis tiel rapide efektivigi nian promeson. La kajero aspektas plaĉe, kaj ĝia enhavo estas interesa. Kompreneble en Esperanto.
La 42-a ILEI-Konferenco en Krakovo montris, ke en Pollando oni povas trovi sciencistojn, kiuj konas Esperanton, aŭ almenaŭ apogas la agadon por Esperanto. Kun ilia helpo ni provis eldoni la unuan Sciencan Kajeron. Ĝi ampleksas ne nur la prelegojn de la Konferenca Simpozio sed ankaŭ kelkajn prelegojn, kiujn oni aŭdigis dum la konferenco kaj tial ni nomis ĝin Sciencaj Kajeroj. En estonteco valorus plialtigi ĝian sciencan nivelon kaj eldoni nur recenzitajn artikolojn. Sed eĉ nun okulfrapas la evidenta scienca valoro de kelkaj artikoloj, do ni apogis la iniciaton aperigi ilin ne en postsimpoziaj materialoj, sed en Sciencaj Kajeroj.
Poziv na godišnju skupštinu / Invito al la jarkunveno
Verkita de Radenko Milošević
27/01/2010
Temeljem odluke Predsjedništva Udruge zagrebačkih esperantista na sastanku održanom 26. siječnja 2010., a prema članku 23. Statuta Udruge, sazivam Godišnju skupštinu Udruge zagrebačkih esperantista u petak 26. veljače 2010. s početkom u 14.00 sati u Maloj dvorani Hrvatske gospodarske komore - Zagreb, Draškovićeva ulica 45/II, Zagreb.
Za skupštinu predlažem slijedeći
D N E V N I R E D
1. Otvaranje skupštine Udruge 2. Izbor radnih tijela (predsjedateljstvo, zapisničar, ovjerovitelji zapisnika, komisija za zaključke) 3. Usvajanje zapisnika sa Skupštine održane 27. studenoga 2008. 4. Izvješće o radu Udruge tijekom 2009. godine s raspravom i odlukom o prihvaćanju 5. Izvješća o radu pojedinih esperantskih društava članova UZE-a u 2009. godini 6. Financijsko izvješće za 2009. s raspravom i odlukom o prihvaćanju 7. Program rada za 2010. s raspravom i odlukom o usvajanju 8. Financije za 2010. godinu s raspravom i odlukom o usvajanju 9. Razno
Hejmo 
La longa Esperanto-tradicio, pluraj Esperanto-aktivuloj kaj la fakto, ke en Đurđevac trovi
La inicatinto de Dokumenta Esperanto-Centro (DEC), Josip Pleadin el Đurđevac, gajnis la duan kaj la trian premiojn por originala poezio en Esperanto en la Belartaj konkursoj 2010 organizitaj de Universala Esperanto-Asocio. DEC informis, ke la unua premio en la poezia bran
ESPERANTO
DEC estas iniciato de kroata esperantisto Josip Pleadin (
La fama aranĝo Baltiaj Esperanto-Tagoj (BET), kiu ekde 1959 okazas alterne en Latvio, Estonio kaj Litovio, en 2010 okazos inter la 26-a de junio kaj la 4-a de julio, en la litova urbo Visaginas. Litova Esperanto-Asocio dissendis inviton al ĉiulandaj esperantistoj por partopreni la eventon, okazontan la 46-an fojon laŭvice. 
Dum la lasta ILEI-Konferenco la estraro de la pola sekcio de ILEI promesis eldoni ĝis la fino de 2009 specialan kajeron kun prelegoj, kiujn oni aŭdigis dum la konferenco. Kun granda ĝojo ni informas, ke ni sukcesis ne nur eldoni nian Sciencan Kajeron, sed ankaŭ dissendi ĝin al la aŭtoroj de la prelegoj kaj al la tradukintoj. Kelkajn ekzemplerojn ricevos ILEI kaj kelkaj gravaj E-centroj. Antaŭ la ILEI-Konferenco ni trovis la sponsoron, dank' al kiu ni povis tiel rapide efektivigi nian promeson. La kajero aspektas plaĉe, kaj ĝia enhavo estas interesa. Kompreneble en Esperanto.
